Предмет: Экономика
Тип: Курстық жұмыс
Объем: 32 стр.
Год: 2007
|
Закрыть
|
Өткізудің тиімділігін талдау мәселелері
МАЗМҰНЫ
КІРІСПЕ 3
1 Өткізудің теориялық және практикалық негіздемелері, олардың қолданыстағы негізгі қағидаттары 4
1.1 Өткізу саясатының түсінігі 4
1.2 Өткізудің стратегиялық мәселелері (Өткізудің маркетингтік жүйелері) 9
2 Өткізудің тиімділігін талдау мәселелері («УАТ» фирмасына сәйкес) 11
2.1 «УАТ» ЖШС-ның жалпы сипаттамасы, оның өткізу механизмдері 11
2.1.1 Еңбек өнімділігін жақсарту жолдары 15
2.2 «УАТ» ЖШС өткізу тиімділігін талдау және оның маркетингтік жоспарына өзгертулер мен толықтырулар ұсыну 21
ҚОРЫТЫНДЫ 31
ҚОЛДАНЫЛҒАН ӘДЕБИЕТТЕР ТІЗІМІ 32
КІРІСПЕ
Қазіргі таңдағы Қазақстан Республикасының экономикасының дамуы деңгейін арттыру мақсатында көптеген бағдарламалар қабылданып, жүзеге асып жатқандығы бәрімізге мәлім. Макроэкономиканың микроэкономика элементтерінен құралатынын ескерсек, сонымен қатар кәсіпорындар өмірінде өткізудің маңызды орынға ие болатынын қарастырсақ, онда бұл ретте оның ел экономикасына әсерін айтпаса да түсінікті. Менің бұл тақырыпты алуымның басты мақсаты - өткізудің тиімділігін талдап отыру фирма өмірінде, оның пайда табуында айрықша орын алатынын дәлелдеу болып отыр. Әрине, қазіргі жағдайда көптеген отандық фирмалар бұл жағдайға кейде мән бермей жатады. Оның бұл мәселелерге мән бермеуі айтарлықтай пайда мен қаражат табысынан айрылып жатқандығын өздері де сезініп жатқан жоқ. Соңғы статистикалық мәліметтерге жүгінсек, Қазақстан Республикасындағы өнеркәсіп, бизнес және шағын және орта кәсіпкерлік өкілдері сауалнамаларда өткізудің талдау мәселелерін жүзеге асырмайтынын атап көрсеткен.
1 Өткізудің теориялық және практикалық негіздемелері, олардың қолданыстағы негізгі қағидаттары
1.1 Өткізу саясатының түсінігі
Өндірілген тауарды тұтынушыға міндетті түрде жеткізу керек. Өндірушілер осы қызметті екі әдіспен жүзеге асырады: өзіндік өткізу бөлімшелері арқылы немесе дербес делдалдар арқылы. Тауарды тікелей өткізу әрқашан да тиімді емес, сондықтан өндірушілер делдалдар қызметін қажет етеді. Өзінің байланыстары, тәжірибесі және мамандануы арқасында делдалдар бірқатар қызметтер ұсынып, фирманың өз бетінше ала алатын шамадан көбірек пайда табуға жәрдемдеседі. Дистрибьюторлармен, бөлшек сауда дүкендерімен, тәуелсіз делдалдармен келісім негізінде құрылған арналарды қажет кезде өзгерту өте қиын. Сондықтан, басқарушы қызметкерлер өткізу арналарын құруға байсалды, байыпты қарауға тиіс.
Өткізу – өнімді кеңістік пен уақыт ішіндегі жылжытатын ауыстыру жөніндегі іс-әрекет түрлерінің жиынтығы, сондай-ақ меншік құқығын өндірушіден тұтынушыға беру. Қысқаша айтқанда: өнім мен қызметтерді тұтынушыға жеткізу.
Өткізу арнасына қатысушылардың міндетті қызмет аясы:
1.2 Өткізудің стратегиялық мәселелері (Өткізудің маркетингтік жүйелері)
Өткізудің маркетингтік жүйелерінің түрлері өткізу арналарының құрылымына байланысты болады.
I. Дәстүрлі – бұған тәуелсіз өндіруші, бір немесе бірнеше көтерме немесе бөлшек сатушы кіреді. Жүйенің әрбір мүшесі өз қызметін атқарып, максималды табыс табуды көздейді. Жүйе мүшелері бір-бірінің қызметін толық бақылай алмайды. Таратудың дәстүрлі арналарының басшылығы пәрменсіз және тиімділігі төмен болады. Мысалы, көптеген тамақ өнімдерін өндіретін отандық кәсіпорындардың өткізу жүйесін өзара іс-қимыл жасау сипаты бойынша дәстүрлі жүйеге жатқызуға болады. Бұл жүйенің әрбір арнасы басқаларға тәуелсіз және тек қана өзінің пайдасын көбейтуге ұмтылады.
II. Тік маркетингтік жүйелер. ТМЖ алдыңғы қатарлы өткізу жүйесі ретінде есептеледі. Дәстүрлі арнаға қарағанда, ТМЖ (ВМС) бір бүтін жүйе ретінде қызмет ететін өндірушілерден тұрады. Осы кезде арнаның бір мүшесі қалған фирмалардың меншік иесі болып келеді немесе олармен келісім-шартқа отырады, сондай-ақ оның қуаттылығы арнада белсенді орын алып, басқа қатысушыларға ықпалы зор болады. ТМЖ да басшы ретінде өндіруші немесе көтерме бөлшек фирмалар да болуы мүмкін. ТМЖ өткізу арнасының жұмыс істеуін қамтамасыз ету және оған қатысушылардың арасында болатын қақтығыстарды шешу үшін құрылады. АҚШ-тың тұтыну нарығының 70-80% ында ТМЖ алған. Мысалы, ұлттық АҚ «ҚазМұнайГаз» компаниясы мұнай және мұнай өнімдерін өндіру, өңдеу, тасымалдау және өткізумен айналысады. Осы жағдайда бұл компания интегралды ТМЖ ретінде қызмет етеді. ТМЖ-ның корпоративтік, келісімді, басқарылатын деген негізгі үш типі бар.
2 Өткізудің тиімділігін талдау мәселелері («УАТ» фирмасына сәйкес)
2.1 «УАТ» ЖШС-ның жалпы сипаттамасы, оның өткізу механизмдері
Кәсіпорынның экономикалық қызметінің сипаттамасы
Су-сабын нарығының өсу перспективілігі, ең алдымен, өмір сүру деңгейі мен сапасының төмендеуімен байланысты, өйткені біз бұрыннан білетініміздей, ел қаншалықты нашар тұрса, соншалықты ол су-сабын өнімдерін көбірек тұтынады. Сол себепті ассортиментінің шектеулілігі мен өнімнің көп бөлігінің сапасының төмендігіне қарамастан, су-сабын қазақстандықтар үшін «бірінші кезекті» өнім болып қалуда. Бүгінгі таңда, статистикалық мәліметтер бойынша, қазақстандықтардың негізгі тұтынатын химия өнімдерінің ішінде су-сабын 60-70% құрайды, дегенмен, бұл өнімнің бағасы, сапасы және тұтыну нарығының жағдайы айтарлықтай мәз емес. Егер зауыттар мемлекеттік сауда инспекциясы, стандарттау комитеті, санэпидемстанция тарапынан бақыланбайтын болса, жеке кәсіпкерлер ешқандай да лицензиясыз су- сабынды шығара береді, төменгі бағамен сапасыз химиялық заттарды пайдаланады. Бұл соңғыларға су- сабын өнімдері нарығының біршама бөлігін жаулап алып, су- сабын өнімдерінің ірі өндірушілерімен табысты бәсекелесуге мүмкіндік берді.
2.1.1 Еңбек өнімділігін жақсарту жолдары
Осылайша, инновациялық белсенділік, ол кәсіпорынның экономикалық бәсеке қабілеттілік индикаторларының бірі. Бұл белсенділік сөнген кезде кәсіпорын сыртқы және ішкі нарықтардағы позициясын жоғалтады, инвестициялық, технологиялық және экономикалық дағдарыс орын алады.
Кәсіпорында техникалық, экономикалық талдау жүргізгенде өнімнің өзіндік құнымен байланысты немесе көрсеткіш ол өткізілген өнімнің 1 теңгесіне кететін шығындар пайдаланылады. Осы көрсеткішке үш фактор әсер етеді. Олар:
ҚОРЫТЫНДЫ
XXғ. 50-60 жылдары дербес ғылым ретінде пайда болған маркетингтің жалпы бизнесті дамытуда, тауар айналымын қалыптастыруда, тауардың өндірушіден тұтынушыға тікелей немес жанама арналармен жетуінде кәсіпорынның кіріс-шығысын анықтауда маңызы зор. Сол маркетингтің құрамдас бір бөлігі кәсіпорынның өткізу қызметі – компанияны тұтынушылармен тығыз байланыстыратын буын ретінде қарастырылады. Бұл бір немес көп деңгейлі буындарға әсер ететін көп факторлар бар. Менің «Өткізудің тиімділігін талдау» атты курстық жұмысымда «УАТ» жеке кәсіпорынның мысалында, жеке статистикалық теориялық ақпараттар негізінде тауардың өтуін арттыру және оған әсер ететін факторлар атап көрсетілді. «УАТ» фирмасының өткізуді ұйымдастыруының мүмкіндіктері мен қолданыстағы жүйелері толық қарастырылып, зерттеліп өтті. Бұл ретте жеке шығарған қорытынды бойынша фирма негізінде өткізудің тиімділігін бағалауды қаншалықты тиімді әрі пайдалы болатындығын атап өтуге болады.
